Category Archives: Khmer
រដ្ឋម៉ាសាឈូសិតអាជ្ញាធរប្រព័ន្ធធានារ៉ាប់រងសុខភាពរដ្ឋ
ដោយសារកាលកំណត់របស់ប្រព័ន្ធសុខភាពត្រូវគ្រោងធ្វើនៅខែមករាសមាជិកនឹងអ្នកដាក់ពាក្យ សុំថ្មីដល់ពេលត្រូវមកចុះឈ្មោះមានសមាជិក២៨,០០០នាក់បានចុចយកផែនការសុខភាពសម្រាប់ ឆ្នាំ២០១៧,អ្នកដាក់ពាក្យសុំថ្មីជាង២៤,០០០នាក់បានចុចយកផែនការ ឬឈ្មោះសម្រាប់ឆ្នាំថ្មី បូសតុន –ថ្ងៃទី១៤ ធ្នូ២០១៦ – ដោយសារ កាលកំណត់បញ្ចប់គឺនៅថ្ងៃ២៣ធ្នូ នឹងមកដល់ ឆាប់២សម្រាប់ផែនការសុខភាពដែលនឹងផ្តើមនៅ ថ្ងៃ១មករា ២០១៧ នេះហើយ, បច្ចុប្បន្នសមាជិក “ម៉ាស ហែលេកូណិចទ័រ” ដែលបានចុចយក ផែនការសុខភាពថ្មីនឹងអ្នកដែលបានដាក់ពាក្យចុះឈ្មោះជាង២៤,០០០កំពុងបន្តកន្ទុយរង់ចាំការធានា សុខភាពសម្រាប់ឆ្នាំថ្មីនេះ កំណត់កាលបើកឱ្យចុះឈេនាះផ្តើមនៅ ថ្ងៃ ១វិច្ឆិកា នឹងបន្តរហូតដល់ថ្ងៃ៣១ មករា។ ក៏ប៉ុន្តែ ថ្ងៃកំណត់បញ្ចប់ទី ២៣ធ្នូ គឺជាថ្ងៃប្រចាំឆ្នាំដ៏ សំខាន់បំផុត។ សម្រាប់អ្នកទាំង២ក្រុម៣
មូលនិធិសហគមន៍ឡូវែលសម្រាប់ផ្តល់អាហារូបករណ៍ជួយដល់និស្សិតមធ្យមសិក្សាជាមួយនឹងចំណាយនៅមហាវិទ្យាល័យ
ថ្ងៃទី ២៩ ខែធ្នូ ឆ្នាំ២០១៦ ឡូវែល, ម៉ាស– គោលបំណងនៃមូលនិធីសហគមន៏ឡូវែល គឺបង្កើនគុណភាពរបស់ប្រជាជនដែលរស់នៅឡូវែល នឹងតំបន់‹មីរីម៉ាកវ៉ាឡេ›។ មូលនិធិសហគមន៍កសាងសហគមន៍ដែលរឹងមាំ ដោយផ្ជាប់សប្បុរសជន ទៅអង្គការមិនយកកម្រៃនឹងនិស្សិត។ កាលពីឆ្នាំមុន មូលនិធីសហគមន៍បានផ្តល់រង្វាន់$1.7លាន ជាថវិការជំនួយនឹងជាអាហារូបករណ៍ទៅដល់អង្គការមិនយកកម្រៃ នឹងនិស្សិតដោយសារសប្បុរសធម៌នៃអ្នកធ្វើអំណោយ។ មូលនិធិសហគមន៌គ្រប់គ្រងទាយជ្ជទានប័ត្ត$4លានសម្រាប់ជាជំនួយដល់និស្សិតវីទ្យាល័យឡូវែល ជាមួយនឹងចំណាយអប់រំនៅមហាវិទ្យាល័យ ដោយចែកអាហារូបករណ៍ នៅរៀងរាល់ឆ្នាំតាមអំណោយកិត្តិយសនៅកម្មវិធិរាត្រីរបស់វិទ្យាល័យ។ នៅឆ្នាំ២០១៦ និស្សិត២៤០រូបនៅវិទ្យាល័យឡូវែល បានទទួលការផ្តល់អាហារូបករណ៍សរ៉ុប $421,000 ។ អាហារូបករណ៍ផ្តល់ជាជំនួយដល់ចំណាយលើការបង់ថ្លៃសាលា នៅចន្លោះពី $250 ដល់ $5,000. លក្ខខណ្ឌនៃការផ្តល់ថវិការអាហារូបករណ៍
ព័ត៌មានខ្លីៗ: លោក អ៊ុន ឬទ្ធី ជាប្រធានគណបក្សសង្គ្រោះជាតិសាខា‹អាមេរិកខាងជើង›
យើងទើបនឹងទទួលដំណឹងថា លោក អ៊ុន ឬទ្ធី អតិតសមាជិកក្រុមប្រឹក្សាក្រុងឡូវែល បានជាប់ឆ្នោត ទទួលការតែងតាំងជាប្រធានគណបក្សសង្គ្រោះជាតិ សាខាសហរដ្ឋអាមេរីក ជំនួសលោក រី គា នៅកាលីហ្វ័រញ៉ា ដែលបានបញ្ចប់អាណត្តិ២ឆ្នាំរបស់លោក។ នៅពេលសួរថា‹‹តើការឡើងជាប្រធានសាខាសហរដ្ឋអាមេរីក នឹងបញ្ចប់ការបែងចែកគណបក្សសង្គ្រោះជាតិ‹អាមេរិកខាងជើង› នឹង សាខា‹សហរដ្ឋអាមេរីក›ដែរឬទេ?›› លោក អ៊ុន ឬទ្ធី តបថា‹‹ឥតទេ! តែលោកចង់ធ្វើការបង្រួបបង្រួមគ្នា រវាងសាខាទាំង២ ឱ្យបានក្នុងអាណត្តិរបស់លោក››។ គួររំលឹកថា ប្រធានសាខា‹អាមេរីកខាងជើង›មានប្រធាន គឺវេជ្ជបណ្ឌិត ចាន់ ទូច នៅឡូវែល ហើយសមាជិកនៃសាខានេះ ច្រើនជាសមាជិកដែលស្មោះត្រង់នឹងលោក
(ភូមិសាស្ត្រនយោបាយនៅអាស៊ីអគ្នេយ៍) ត្រមៈ ‹‹គិតផលប្រយោជន៍អាមេរីកាំងជាមុន››
ដោយ ពិន សំខុន ក្នុងនយោបាយការបរទេស បើទោះបីជាកម្ពុជាជាប្រទេសតូចក្តី គឺជា‹កាំមួយនៃច្រវ៉ាក់›ដ៏មានតម្លៃសម្រាប់ជួសជុលនយោបាយក្រៅប្រទេសរបស់សហរដ្ឋអាមេរីកដែរ ពីព្រោះតែប្រទេសកម្ពុជាកំពុង‹ឆ្លាក់នយោបាយវាតទីរបស់ចិន›ដ៏សំខាន់បំផុតនៅអាស៊ីអគ្នេយ៍ បន្ទាប់ពីរជ្ជកាល នរោត្តម ស៊ីហនុ មក។ ‹គិតផលប្រយោជន៍អាមេរីកាំងជាមុន› គឺដើម្បី‹លំនឹងលោកខាងលិចនឹងខាងកើតទប់ទល់នឹងកុម្មុយនិស្ត›អាមេរីកាំងឈប់ចំណាយលុយនឹងពេលវេលាទៅលើកម្ពុជា ដែលគ្មានការទទួលខុសត្រូវតទៅទៀត… តើហេតុអ្វី? ភូមិសាស្ត្រនយោបាយនៅឈូងសមុទ្រចិនៈប្រទេសអាស៊ីស្ទើរតែទាំងអស់បានក្លាយទៅជាប្រទេសផ្តាច់ការ ក្រោមច្រមុះអាមេរីកាំងដែលមិនបានធ្វើអ្វីដែលខ្លួនត្រូវថែររក្សា ក្នុងនាមខ្លួនជាលោកខាងលិច។ ប្រទេសថៃដែលជាសម្ពន្ធមិត្តនៃលោកខាងលិច ហើយក៏ជារនាំងទប់ទល់ការរំកិលរបស់លោកខាងកើត គឺកុម្មុយនិស្តចិនឬរុស្សី បានក្លាយទៅជាប្រទេសយោធានិយមផ្តាច់ការ យូរឆ្នាំ ងាយស្រួលនឹងខិតទៅខាងកុម្មុយនិស្ត ដោយសារតែភ្លេចគិតថានេះ‹ជាផលប្រយោជន៍អាមេរីកាំងជាមុន› ដែលត្រូវធ្វើឱ្យប្រទេសនេះក្លាយជាប្រទេសប្រជាធីបតេយ្យមកវិញ ហើយទទួលខុសត្រូវចំពោះមុខប្រជាជាតិខ្លួន ដោយខ្លួនឯង។ នៅមានប្រទេសហ្វីលីព្ពីន ដែលជាកូនសោសំខាន់របស់អាមេរីកាំង ប្រឈមមុខនឹងចិន
បទសម្ភាសន៍ជាមួយលោក រ៉តនីយ អេលីយ៉ុត
ដោយសុបិន ពិន ទើបត្រឡប់មកពីទស្សនៈកិច្ចមនុស្សធម៌នៅកម្ពុជា ជនួន១០ថ្ងៃ កាលពីខែវិច្ឆិការកន្លងទៅនេះ លោក រ៉តនីយ អេលីយ៉ុត សមាជិកក្រុមប្រឹក្សាសាលាក្រុងឡូវែល បានផ្តល់បទសម្ភាសន៌ ដល់ខ្មៃរផុសស.រ.អា.កាលពិរសៀលថ្ងៃចន្ទកន្លងទៅ ដើម្បី ជម្រាបជូនលោកអ្នកអាន នូវស្ថានភាព ជីវភាពប្រជាពលរដ្ឋខ្មែរ នឹងសន្តិសុខ នៃការធ្វើដំណើរ ដូចតទៅនេះ សូបិនៈសូមស្វាគមន៍នៅពេលត្រឡប់មកដល់ផ្ទះវិញ! លោក រ៉តនីយ អេលិយ៉ុត… តើដូចត្រឡប់មកឋានកណ្តាលវិញទេ? រ៉តនីយ អេលីយ៉ុតៈ បាទ! ជាគឺដំណើរដ៏អស្ចារ្យមួយ នៅពេលទៅដល់ផ្នែកម្ខាងទៀតនៃពិភពលោក ខ្ញុំមានសេចត្កីរីរាយនឹងត្រឡប់មកដែនដីខ្ញុំវិញ សុបិនៈលោកបានធ្វើឱ្យគេភ្ញាក់ផ្អើល ដោយលោកមិនបានប្រាប់ឱ្យដឹងពីគម្រោងដំណើរនេះជាមុន
(ទស្សនៈនយោបាយកម្ពុជា) ទីស្នាក់ការអង្គការសហប្រជាជាតិនៅភ្នំពេញត្រូវបិទទ្វារឬ?
ដោយ ពិន សំខុន ភ្នំពេញៈ ទីស្នាក់ការអង្គការសហប្រជាជាតិ(អ.ស.ប.)នៅភ្នំពេញ បានត្រូវលោករដ្ឋមន្ត្រីក្រសួងការបរទេសខ្មែរ ប្រាក់ សុខុន គម្រាមថា‹នឹងត្រូវបិទទ្វារនៅដាច់ខែធ្នូខាងមុខ ប្រសិនបើគ្មានកិច្ចព្រមព្រាងទេនោះ។ កិច្ចព្រមព្រាងផ្លូវការនោះបានត្រូវបន្តរបីដងរួចហើយ គិតចាប់តាំងពីឆ្នាំ១៩៩៣មក, ហើយចុងក្រោយនេះបានត្រូវបញ្ចប់កាលពីចុងខែធ្នូឆ្នាំ២០១៥ មកម្លេះ, រដ្ឋាភិបាលខ្មែរក៏មិនចង់បន្តរកិច្ចព្រមព្រាងនោះដែរ ដោយសារតែអ.ស.ប.មិនទាន់ពេញចិត្តនឹងទទួលយកការគោរពសិទ្ធមនុស្សរបស់កម្ពុជា ថាបានមកដល់កំរឹត‹ស្តង់ដា› រីឯរដ្ឋបាលកម្ពុជាក៏មិនចង់តម្លើងកំពស់‹ស្តង់ដា›នោះ ឱ្យខ្ពស់ជាងនេះទៀតដែរ។ ការបិទទីស្នាក់ការនេះ នឹងក្លាយជាការគម្រាមកំហែងយ៉ាងជាក់ស្តែង ដល់សិទ្ធប្រជាពលរដ្ឋនឹងដល់អង្គការក្រៅរដ្ឋាភិបាល ដែលមានតួរនាទីជាភ្នែកជាច្រមុះរបស់អ.ស.ប.នៅកម្ពុជាដែរ។ អ.ស.ប. មិនមានបំណងចាកចេញពីកម្ពុជាពេលនេះទេ។ហេតុអ្វីក៏អ.ស.ប.ក្រាញនៅកម្ពជា?កាលពីខែមុននេះ តំណាងអ.ស.ប.នៅភ្នំពេញ បានធ្វើអត្ថាធិប្បាយថា‹រដ្ឋាភិបាលខ្មែរមិនមានមូលដ្ខានច្បាប់សម្រាប់ឃាត់លោក សម រង្សី ប្រធានគណបក្សសង្គ្រោះជាតិមិនឱ្យត្រឡប់មកប្រទេសខ្លួនទេ› ប្រយោគនេះធ្វើឡើងនៅពេលដែលរដ្ឋាភិបាលលោក ហ៊ុន
‹ពិណបញ្ចពណ៌›សមាគមអង្គរសម្តែងឬទ្ធិមិនចេះឈប់
ដោយ ពិន សំខុន មនុស្សប្រមាណ២០០នាក់ បានមកទស្សនាសិល្បៈជាវប្បធម៌បូរាណខ្មែរ នារាត្រីទី១៨វិច្ឆិការ ក្នុងកម្មវិធីរបស់‹សមាគមអង្គរ› ចូលរួមដោយសាស្ត្រាចារ្យនៃសាកលវិទ្យាល័យវិចិត្រសិល្បនៃទីក្រុងភ្នំពេញ នឹងតន្ត្រីករសាកលវិទ្យាល័យយូម៉ាស់ឡូវែលផង។ ជាថ្មីម្តងទៀតនាថការី នឹងនាថករបានបញ្ចេញថ្វីដៃសិល្បៈខ្មែរ កំរឹតខ្ពស់ នាំអារម្មណ៍ទស្សនិកជនឱ្យចូលស្លុង ក្នុងសាច់រឿងនិមួយៗដោយតាមដានយ៉ាងស្ងប់ស្ងៀម ស្ទើរភ្លេចដកដង្ហើម។ លើកនេះប្លែកពីការសម្តែងឆ្នាំមុន ដោយរបាំនិមួយៗ ចងផ្ជាប់ដោយសម្លេងភ្លេងច្បាស់លាស់ អ្នកសម្តែងអាចចូលតួរឯកខ្លួនឯង បានយ៉ាងស៊ុប ពន្លឺភ្លើងតាមចង្អុលតាមដានបង្ហាញពីកន្លែងកើតហេតុ ធ្វើឱ្យសាច់រឿងលេចសោភណ្ឌភាពចេញពីការសម្តែង គួរឱ្យចាប់ចិត្តក្រៃលែង។ តាំងពីដើមទី ដែលគេយករបាំបូរាណមកសម្តែងជារឿង‹រាមកេរ›, បង្ហាញពីតួរកុមារ‹រាមលក្សណ៍›នឹង‹ជប់លក្សណ៍›ដេញចាប់សេះជិះលេងកំសាន្ត តែត្រូវបាន‹ហនុម៉ាន›រារាំងមិនឱ្យលេងនោះ, ទស្សនិកជនមានអារម្មណ៍រំភើប ដោយឃើញការបកស្រាយរឿងទៅតាមកាយវិការក្បាច់របាំបូរាណ យ៉ាងងាយស្រួល ងាយនឹងយល់ របស់រាជកុមារទ្រង់គ្រឿងជាកូនស្តេច,
បុណ្យឯករាជ្យជាតិ-កំណត់ប្រវត្តិសាស្ត្រ
ដកស្រងនឹងបកប្រែពីភាសាបារាំងពីសៀវភៅ‹‹Les Cles du Cambodge›› ដោយខ្មែរផុសស.រ.អា. ឆ្នាំ១៩៤៦ *ថ្ងៃ៤មករា- ចុះហត្ថលេខាព្រមព្រាងខ្មែរ-បារាំង បញ្ចប់របប‹អាណាព្យាបាល›- ឯករាជ្យរដ្ឋបាល, តែនៅរក្សាទីប្រឹក្សាក្រសួងធំៗ នឹងនៅគ្រប់គ្រងក្រសួងកងទ័ពនឹងការបរទេស។ កម្ពុជានៅជាសមាជិកសហព័ន្ធបារាំង។ *ថ្ងៃទី១កញ្ញា-បោះឆ្នោតទី១សម្រាប់‹សភាធម្មនុញ្ញ›-គណបក្សប្រជាធិបតេយ្យបានឆ្នោតភាគច្រើនដាច់ខាត *ថ្ងៃទី១៧វិច្ឆិការ- ដំណោះស្រាយបារាំង-សៀមប្រគល់ដីដែលកាត់យកដោយរដ្ឋបាល‹តូក្យូ›ឱ្យទៅសៀមនាឆ្នាំ១៧៤១- ត្រឡប់មកឱ្យកម្ពុជាវិញ ដូចកិច្ចព្រមព្រាងបារាំង-សៀមកាលពីឆ្នាំ១៩៣៧មកវិញ។ ឆ្នាំឌ១៩៤៧ *ថ្ងៃ៦ឧសភា- ខ្មែរអនុម័ទ‹រដ្ឋធម្មនុញ្ញថ្មី› – ហើយក្លាយទៅជា‹ព្រះរាជាណាចក្រកម្ពុជាអាស្រ័យធម្មនុញ្ញ› *ថ្ងៃទី១១កក្កដា- មេដឹកនាំគណបក្សប្រជាធិបតេយ្យទ្រង់ ស៊ីសុវត្ត យុត្តិវង្ស បានត្រូវសុគតដោយមិនដឹងហេតុ *ថ្ងៃ២១ធ្នូ- បោះឆ្នោតសភាជាតិក្រោមរដ្ឋធម្មនុញ្ញថ្មី- គណបក្សប្រជាធិបតេយ្យទទួលបានអាសនៈភាគច្រើនដាច់ខាត ឆ្នាំ១៩៤៨*ថ្ងៃទី២មករា-
ទស្សនសារព័ត៌មានពីថ្ងៃទី១មិថុនា ដល់ថ្ងៃ១សីហា២០១៦ (តពីលេខមុន)
ដោយ ហ្រង់ស្វា ប៉ុងសូ ប្រែសម្រួលពីភាសាបារាំងដោយខ្មែរផុស ស.រ.អា សុខាភិបាល *៤៣%ក្នុងចំណោមស្ត្រី៧២០នាក់ មានជម្ងឺខ្វះឈាមក្រហម Anemieដែលគេមិនដឹងថាមកពីបុព្វហេតុអ្វីពិតប្រាកដ(CD du 13.06.16) *ពន្ធនាគារនៅក្រុងព្រះស៊ីហនុ នឹង ខេត្តពោធិសត្វ ដែលប្រគល់ទៅឱ្យក្រុមហ៊ុនឯកជនកាន់កាប់ នឹងត្រូវសង់នៅលើដីឯកជន(CD du 29.06.16) *‹កណ្តុរយន្ត›ដែលបង្កើតដោយសាកលវិទ្យាល័យ‹វីឡាណូវ៉ា›រដ្ឋផេនស៊ីវេនាសហរដ្ឋអាមេរីក មានតម្លៃពី៥ម៉ឺន ដល់២០ម៉ឺន, មានខ្លះនឹងត្រូវប្រើយកទៅដោះមីន(CD du 04.06.16)។ ថ្ងៃ១៨មិថុនា ‹វិរកណ្តុរ›ទាំងនោះ បានរំដោះដីចំនួន៨ហិកតានៅខេត្តសៀមរាប(CD du 20.06.16) *ជម្ងឺឆ្លង‹អេដ› បានកើនឡើងជិត២ដង ក្នុងរយៈពេល១០ឆ្នាំកន្លងមកចំនួននោះមាន៨២.៩៧០នាក់។
‹ទស្សនៈនយោបាយ› បោះឆ្នោតសាកល២០១៦, ហេតុអ្វីក៏‹ឌណល ត្រម›ឈ្នះ
ដោយពិន សំខុន ខុសពីវប្បធម៌នៃការបោះឆ្នោតមុនៗ លោកបេក្ខជនប្រធានាធិបតីនៃគណបក្សសាធារណរដ្ឋ ឌណល ត្រម បានរំលោភគ្រប់ជំហ៊ានសីលធម៌ ដើម្បីឃោសនាយកជ័យជំនះលើគូរប្រគួតម្តងមួយៗ ចំនួន១៦គូរ រហូតដល់ចុងបញ្ចប់នៅខែទី២០ ដែលលោកត្រូវប្រកួតជាមួយនឹងបេក្ខនារីខាងគណបក្សប្រជាធិបតេយ្យ ហ៊ីឡារី គ្លីងតុន ដែលនៅលើបច្ចេកទេសដដែល លោកទទួលជ័យជំនះជាថ្មីម្តងទៀត ដែលអង្គការសារពត៌មានខ្លាំងទាំងប៉ុន្មាន គ្មាននរណាទាយត្រូវថា‹ឌណល ត្រម›អាចឈ្នះបានឡើយ។ តើមានអភូតហេតុអ្វីដែលរំខានមិនឱ្យអង្គការសារពត៌មានទាយត្រូវដូចសព្វមួយដងយ៉ាងនេះ? លទ្ធផល នៅក្នុងសេចក្តីថ្លែងការណ៍របស់ ត្រម មានសារជាច្រើនដែលប៉ះអារម្មណ៍ម្ចាស់សន្លឹកឆ្នោត ១-យោងតាមបុព្វហេតុនៃវប្បធម៌បោះឆ្នោតមុនៗ – លោក ត្រម មិនអាចជាប់ឆ្នោតបានទេ បើកាលណាមានអត្តចារឹក ប្រើពាក្យអសុរសដាក់គូរបដិបក្សរបស់ខ្លួន ដូចជាហៅថា‹ជនក្រខ្វក់› ‹ជនសម្រាម›
បោះឆ្នោតប្រធានាធិបតីអាមេរីកាំង ហ៊ុន សែន ចាក់ត្រូវ, ម៉េឌីយ៉ាចាក់ខុស
ដោយ ពិន សំខុន រាត្រី ទី៨វិច្ឆិការ២០១៦ លទ្ធផលនៃការបោះឆ្នោតសាកលបានធ្លាក់ចេញមក ឈ្មោះប្រធានាធិបតីថ្មី ទី៤៥នៃសហរដ្ឋអាមេរីក ក៏បានលេចចេញមកដែរ ជ័យលាភីបានទៅឌណល ត្រម នឹង អនុប្រធានាធិបតី ម៉ាយ ផែន។ ប្រធានាធិបតីថ្មី ដែលគ្រប់ប្រព័ន្ធផ្សព្វផ្សាយធំៗ រួមទាំងសមាជិកជាន់ខ្ពស់នៃគណបក្សសាធារណរដ្ឋមួយចំនួន ទាយខុស, ដែលមិនដែលឆ្លងការិយាល័យរដ្ឋបាលសហរដ្ឋជាន់ខ្ពស់ណាមួយ, ដែលមិនដែលមានបទបិសោធន៍កាន់អគ្គបញ្ជាការជាន់ខ្ពស់ម្តងណានោះ ឥឡូវបានក្លាយជាប្រធានាធិបតី ប្រកបដោយសម្តីសន្យាយ៉ាងច្រើននឹងយ៉ាងអស្ចារ្យចំពោះប្រជាជាតិ សម្រាប់អនុវត្តន៍ជាកម្មវិធីប្រជាជាតិ នៅ៤ឆ្នាំទៅមុខនៃអាណត្តិរបស់លោក។ ការរាប់សន្លឹងឆ្នោតរហូតដល់ម៉ោង៣ទៀបភ្លឺ ម៉ោងនៅឆ្នេរខាងកើត ឌណល ត្រម បានត្រូវប្រកាសឈ្នះដោយ‹ឆ្នោតតំណាង Electoral vote›ចំនួន
ឧទ្ទិសដល់មេទ័ពខ្មែរនាឱកាសបុណ្យ‹ទិវាយុទ្ធជន›
ដោយ ពិន សំខុន ‹ទីវាយុទ្ធជន›ថ្ងៃទី១១វិច្ឆិការនេះ ខ្មែរផុសស.រ.អា បាននឹកទៅដល់មេទ័ពខ្មែរម្នាក់ នាជំនាន់សាធារណរដ្ឋខ្មែរ គឺឧត្តមសេនីយ សុស្តែន ហ្វែណង់ដេស ជាអគ្គមេបញ្ជាការជាន់ខ្ពស់នៃកងខេមរភូមិន្ទសាធារណរដ្ឋខ្មែរ ដែលបានបន្សល់ទុកនូវសៀវភៅមួយ ដែលមានឈ្មោះថា‹ចងចាំនូវសង្គ្រាមមួយដែលគេភ្លេច›។ សៀវភៅនេះមានគុណសម្បត្តិមួយ ដែលលោក សុស្តែន ហ្វែណង់ដែស និយាយពីសង្គ្រាមមួយដែលលោកបានដឹកនាំ ដោយផ្ទាល់ដៃ ពីសេចក្តីសម្រេចចិត្តក្នុងឱកាសលំបាក អនុវត្តន៍យុទ្ធសាស្ត្រដែលលោករៀនពីសាលាយោធាជាន់ខ្ពស់បារាំង‹សាំងសៀ›មកក្នុងសង្គ្រាមប្រឆាំងនឹងកុម្មុយនិស្តនៅកម្ពុជា… គឺជាសៀវភៅដ៏កម្រដែលលោក ប៊ែណា ហាមែល អ្នកកាសែត‹អាសូសិយេតប្រេស›សរសេរថា ‹‹បានផ្តល់នូវការពិត បំពេញចន្លោះខ្វះខាតជាច្រើន ជួយធ្វើឱ្យគេយល់ពីសង្គ្រាមប្រឆាំងនឹងកុម្មយនិស្តនេះនៅកម្ពុជាបាន››។ មនុស្សជាច្រើនបានចងចាំនូវព្រឹត្តការណ៍យ៉ាងខ្លោចផ្សារ នាជំនាន់ឆ្មាំ១៩៧០-៧៥ ហើយបានស្គាល់ឈ្មោះមេទ័ពដ៏ល្បីល្បាញម្នាក់នេះដែលជាខ្មែរ មានឈ្មោះជា‹ស្បានីស›តើលោកជានរណា?លោកស្លាប់ទៅនៅឆ្នាំ២០០៦
ភូមិសាស្ត្រនយោបាយ ហ្វីលីពីនដោះដៃពីអាមេរីកាំងទៅចូលចិន
ដោយ ពិន សំខុន ជាប់ឆ្នោតប្រមាណ១ខែប៉ុណ្ណោះ លោកប្រធានាធីបតី រ៉ូឌ្រីហ្គូឌូធើតេ នៃប្រទេសហ្វីលីព្ពីន បានទៅធ្វើទស្សនកិច្ចផ្លូវការណ៍៤ថ្ងៃ នៅប្រទេសចិនមុនសម្ពន្ធមិត្រយូរឆ្នាំ គឺស.រ.អា. ឬ ជប៉ុន មិនតែប៉ុណ្ណោះថែមទាំងប្រកាស យ៉ាងគួរឱ្យភ្ញាក់ផ្អើល នៅប្រទេសចិនថា‹នេះជាឱកាសសម្រាប់បែកគ្នាពីស.រ.អា.›។ ពេលត្រឡប់មកប្រទេសវិញ បាននាំជំនួយចិនចំនួន ១៣.០០០,៥លានមកហ្វីលីព្ពីនវិញផង។សង្គ្រាមត្រជាក់បានផ្ទុះឡើងវិញ មិនមែនអាមេរីកទល់នឹងរុស្សីដូចមុនទៀតទេ តែអាមេរិកទល់នឹងចិន។ ប្រទេសហ្វីលីព្ពីន ជាប្រទេសសម្ពន្ធមិត្រយូរឆ្នាំនៃសហរដ្ឋអាមេរីក មានវិនិយោគអាមេរីកាំងប្រមាណជាង៤ពាន់លានកន្លះ នឹងមានប្រជាពលរដ្ឋមករស់នៅសហរដ្ឋអាមេរីកជីត៣លាននាក់ គឺជាអំណោយផលដែលបានទទួលពីសហរដ្ឋ ដោយសារទំនាក់ទំនងពិសេសនេះ។ ចាប់តាំងពិប្រទេសចិនរកស៊ីមានបាន ជាពិសេសទំនាក់ទំនងសេដ្ឋកិច្ចជាមួយសហរដ្ឋអាមេរីកមក ចិនបានបង្កើនឥទ្ធិពលយោធាម្តងបន្តិចៗ រហូតដល់បានឈ្នោះជាមហាអំណាច‹នាគ›ក្នុងតំបន់បាន។ ប្រមាណជា១០ឆ្នាំចុងក្រោយនេះ ចិនបានដណ្តើមយកប្រជុំកោះ‹ស្បាតឡី›
អ្នកដែលមិនមានប័ណ្ណធានាសុខភាពសូមអានពត៌មានពី‹ហ៊ែលកូណិចទ័រ Health connector›
ការផ្សាយពត៌មាន-ចាប់ពីថ្ងៃទី ១ វិច្ឆិកា ចំពោះលោកអ្នកដែល‹មិនមានប័ណ្ណធានាសុខភាព› លោកអ្នកអាចជួបបុគ្គលិកជំនួយការរបស់ Health connectorដើម្បីចុះឈ្មោះជ្រើសយកផែនការសុខភាពមួយសម្រាប់ឆ្នាំ២០១៧ ដោយមានកម្រៃយ៉ាងថោក ឬក៏ មិនមានយកកម្រៃទេ។ លោកអ្នកអាចអញ្ជើញទៅ ដោយមិនចាំបាច់ណាត់ទុកជាមុននោះទេ ការចុះឈ្មោះអ្នកដែលគ្មានប័ណ្ណធានារ៉ាប់រងសុខភាព តាមរយៈ ‹ហ៊ែលកូណិចទ័រ› នេះផ្តើមឡើងនៅថ្ងៃ ១ វិច្ឆិកា ២០១៦ នឹងប្រព្រឹត្តទៅរហូតដល់ថ្ងៃ ៣១ មករា ២០១៧។ សម្រាប់អ្នកដែលមានប័ណ្ណរួចហើយ អាចពិចារណាសារថ្មី សម្រាប់គម្រោងឆ្មាំ២០១៧នេះបានដែរ។ កម្មវិធីធានារ៉ាប់រងសុខភាព ហ៊ែលកូណិចទ័រ Health connectorគឺជាកម្មវិធីប័ណ្ណសុខភាពរបស់រដ្ឋ, ហើយគឺជាច្រកតែមួយគត់
វិរៈ អ៊ុយ ឡើងជាប្រធានសមាគមខ្មែរ VirakUy:New CMAA’s President
ដោយ ពិន សំខុន ចាប់ពីថ្ងៃទី១ខែវិច្ឆិកា២០១៦តទៅ លោក វិរៈ អ៊ុយ បានផ្តើមដំណែង ជាប្រធានគណកម្មការនាយកថ្មីរបស់សមាគមខ្មែរ CMAAបន្តរពីនាយិកាចាស់ បុប្ផា ម៉ាឡូន ដែលបានបញ្ចប់អាណត្តិរបស់អ្នកស្រីទៅហើយ។ កាលពីអាណត្តិមុន លោក វិរៈ មានតួរនាទីជាអនុប្រធាន ហើយក៏ធ្លាប់មានតួរនាទី នាអាណត្តិមុនៗទៀត ក្នុងរដ្ឋបាលសមាគមផងដែរ។ នៅ២សប្តាហ៍ មុនលោកចូលទៅកាន់ដំណែងជាប្រធាន‹សមាគមខ្មែរ CMAA›លោក អ៊ុយ វិរៈ បានជួបសម្ភាសន៌ជាមួយសារពត៌មាន‹ខ្មែរផុសស.រ.អា. ដែលមានសេចក្តីសង្ខេបដូចតទៅ៖ ខ្មែរផុសស.រ.អាៈ តើលក្ខណៈអ្វីទៅ ដែលនាំឱ្យលោកចូលមកកាន់ដំណែងជាប្រធានសមាគមខ្មែរបាន? វិរៈ
ចំណាប់អារម្មណ៍បន្ទាប់ពីដំណើរបានបញ្ចប់ (តចប់)
តពីលេខមុន ទាំងតំបន់ប្រជាជន, តំបន់អ្នកមានសម្បត្តិនឹងអំណាច, ទាំងវិហារជំនឿរបស់ប្រជាជនផង – រីឯសឹង្ហបូរីវីញ មាន‹តំបន់កាពារ›ដែរតែតិចជាងនៅសៀងហៃ តែទីនោះបែរជាស ម្បូរ‹សារមន្ទីរ›ទៅវិញ ដោយគេប្រមូលរបស់របរដែលមានតម្លៃប្រវត្តិសាស្ត្រ មកដាក់ឱ្យនៅតែមួយកន្លែង នេះជាវិធីថែររក្សាប្រវត្តិសាស្ត្ររបស់គេ នៅពេលមានដីទំហ៊ំតូច។ ងាកមកកម្ពុជាវិញ មានលំដាប់ថ្នាក់បន្ទាប់ដោយផ្ទះធំៗ មានតែនៅ‹ទីក្រុង› របៀបគ្នានឹងទីក្រុងរបស់វៀតណាមដែរ តែក្រៅក្រុងវិញ គុណភាពបានធ្លាក់ចុះទៅជា‹ជនបទ›យ៉ាងឆាប់រហ័ស់ដូចគ្នា។ សង្គ្រោះបន្ទាន់មានតិចតួច ស្ទើតែអត់ក៏ដូចគ្នា – មធ្យោបាយដឹកជញ្ជូនសាធារណមិនមានដាក់ឱ្យប្រើគ្រប់គ្រាន់ទេ ដែលជាបុព្វហេតុនៃភាពចង្អៀតចង្អល់ក្នុងក្រុង ស្ទះចរាចរគ្រប់កន្លែង ម្លោះហើយតម្រូវឱ្យប្រើកងប៉ូលិសច្រើន(ប៉ូលីសនៅវៀតណាមមានប្រសិទ្ធភាពច្រើនជាង)។ ម្ហូបអាហារសាធារណនៅកម្ពុជា មានគុណភាពទាបជាងនៅវៀតណាមទៅទៀត ភោជនីយដ្ឋានចែកជា២ធុនខុសគ្នា គឺម្ហូបសម្រាប់អ្នកមានលុយច្រើន ដែលប្រណិត, ដែលប្លែក,
សម រង្សី មានក្តីសង្ឈឹមចំពោះកម្ពុជា
ខ្មែរផុសស.រ.អា ឡូវែលៈ លោក សម រង្សី ប្រធានគណបក្សសង្គ្រោះជាតិ ស្នាក់នៅបរទេសដោយខ្លាចការចាប់ខ្លួនដាក់ពន្ធនាគារពីសំណាក់លោក ហ៊ុន សែន នាយករដ្ឋមន្ត្រីខ្មែរ បានមកដល់ទីក្រុងឡូវែលដ៏សម្បូរសមាជីកសាខាគណបក្សរបស់លោក ជាមួយនឹងភរិយាលោក គឺលោកស្រី សូមួរា ជូឡុង សមាជិសភាខ្មែរ កាលពីថ្ងៃទី… វិច្ឆិការនេះ។ លោកបានទៅជួបប្រជាពលរដ្ឋខ្មែរនៅវត្តពន្លឺពុទ្ធចក្រ នាឱកាសបុណ្យកឋិនលោក គិមសៀយ អតីតប្រធានសាខាបក្សសង្គ្រោះជាតិ ថ្វាយបង្គំព្រះសង្ឈ,លើកនេះមិនមានកិច្ចប្រជុំសាធារណៈដូចមុនៗទេ លោកបានធ្វើសេចក្តីរាយការណ៍ខ្លីមួយ នៅគេហដ្ឋាន លោកស្រី រំដួល អតីតសមាជិកសភាខ្មែរ នៅចំពោះមុខសមាជិករបស់លោកប្រមាណ២០នាក់ នឹងសមាជិកសភាខ្មែរម្នាក់ទៀតលោក…. ដែលគេចពីការប៉ុនប៉ងចាប់ខ្លួន ពីសំណាក់អាជ្ញាធរលោក
កម្មវិធីប្រឡងចម្រៀងANGKOR IDOL ទីក្រុងឡូវែល
កម្មវិធីប្រឡងចម្រៀងមួយបានរៀបចំឡើងកាលពីថ្ងៃសៅរ៏ទី ២២ ខែតុលាឆ្នាំ ២០១៦ នៅភោជនីយដ្ឋានសាន់នីដាដើម្បីជ្រើសរើសបេក្ខជននិងបេក្ខនារីទៅចូលរួមក្នុងមហោស្រពសិល្បះចម្រៀងខ្មែរជាសាកលនៅទីក្រុងភ្នំពេញរៀបចំឡើងដោយក្រសួងវប្បធម៏និងវិចិត្រសិល្បះនៃព្រះរាជាណាចក្រកម្ពុជានៅដំណាច់ ខែវិច្ឆិកាដ៏ខ្លីខាងមុខនេះ ។ បេក្ខជននិងបេក្ខនារីចំនួន ១៥នាក់ មកពីក្រុងឡូវែលនិងក្រុងនានាក្នុងរដ្ឋម៉ាសាឈូសេតបានដាក់ពាក្យប្រឡងដើម្បីដណ្តើមជ័យលាភីនេះ។ លោកឪកតុលាយុត្តិប្រធានគណះកម្មការរៀបចំការប្រឡងចម្រៀងនេះបានមានប្រសាសន៏ថានេះគឺជាលើកទី ៣ ហើយដែលយើងបានធ្វើកម្មវិធីប្រឡងចម្រៀងAngkor Idolនេះឡើងក្នុងបំណងរួមចំណែកក្នុងការថែរក្សានូវទំនៀមទំលាប់ ប្រពៃណីនិងសិល្បះចម្រៀងខ្មែរនៅសហរដ្ឋអាមេរិកយើងនេះក៏ដូចជាបង្កើតនូវភាពសប្បាយរីករាយជូនពលរដ្ឋខ្មែរអាមេរិកាំងក្នុងសហគមន៏ ។ លោកបន្តថាឆ្នាំនេះយើងមានបេក្ខនារីតិចតួចត្រឹមតែ ៣នាក់ ចំណែកឯបេក្ខជនវិញមានដល់ទៅ ១២ នាក់ ដែលគ្រប់គ្នាសុទ្ធតែមានទឹកដមសំលេងពិរោះ ។ ការជ្រើសរើសធ្វើឡើងដោយគណះមេប្រយោគចំនួន ៥នាក់ ដែលសុទ្ធសឹងតែមានបទពិសោធន៏ផ្នែកសិល្បះដោយផ្អែកលើគោលការណ៏សំខាន់ៗរួមមានដូចជាសំឡេងចង្វាក់ អក្ខរាវិរុទ្ធរចនាបទនៃបទចម្រៀងមនោសញ្ជេតនាសម្លៀកបំពាក់និងកាយវិកា ។ បេក្ខជនចំនួន ៣នាក់ និងបេក្ខនារី ១
នៅថ្ងៃទី៨វិច្ឆិការ២០១៦-តើអ្នកនឹងបោះឆ្នោតឱ្យនរណា? Election Day on November 8th, Who Will You Vote for?
នៅប្រមាណជាង១០ថ្ងៃ មុនឱកាសបោះឆ្នោតសាកលនៅសហរដ្ឋអាមេរីកនេះ មានកិច្ចពិភក្សាទល់មុខរវាងបេក្ខជនគូរប្រជែងក្នុងមុខដំណែងផ្លូវការមួយចំនួន ដែលយើងសូមលើកយក៣គូរ ដែលមានសារៈសំខាន់សម្រាប់តំបន់ឡូវែល មករាយការណ៍សង្ខេបជូនជាសណ្តាប់។ ជជែកពិភក្សាចុងក្រោយនៃបេក្ខជនប្រធានាធិបតីហ៊ីឡារី ក្លីងតុន នឹង ឌណល ត្រម ការជជែកពិភក្សាចុងក្រោយរបស់បេក្ខជនប្រធាធិបតីឌណល់ ត្រម ទល់នឹង ហ៊ីឡារី ក្លីងតុន កាលពីថ្ងៃទី១៩វិច្ឆិការមុននេះ បានធ្វើឱ្យប្រជាជាតិយល់នឹងស្គាល់កាន់តែច្បាស់ពីបេក្ខជនដែលខ្លួននឹងត្រូវបោះឆ្នោត ឱ្យដឹកនាំវាសនាសហរដ្ឋអាមេរីក។ ក្នុងរយៈពេល៩០នាទីដ៏ខ្លី ការជជែកដេញដោលលើបញ្ហាជាតិ លើប្រាជ្ញាឆ្លាសវៃ នឹងបុគ្កលិកលក្ខណៈមនុស្សពេលប្រឈមនឹងសម្ពាតនៃបញ្ហាបានផ្តល់លទ្ធផលស្ទង់មតិរបស់CNN ភ្លាមៗ ថា‹ហ៊ីឡារី បាន៥២%› ឈ្នះលើ‹ឌណល់បាន៣៧%›។ នេះជាលើកទី៣ហើយដែល ឌណល ត្រម ចាញ់ការប្រកួតទល់មុខគ្នាជាមួយបេក្ខនារី
ប្រឡងបវរកញ្ញាខ្មែរអាមេរីកាំងនៅឡូវែល Miss Cambodian American 2016
ដោយ ខ្មែរផុសស.រ.អា. បវរកញ្ញាខ្មែរក្នុងសហរដ្ឋ ជម្រើសតាមប្រព័ន្ធអាំងទែនិត ១១រូប បានចូលមកប្រឡងសម្ផស្សនៅឡូវែល នៅថ្ងៃទី៨តុលា២០១៦ នាសាល‹សំពៅមាស›ឡូវែល រដ្ឋម៉ាសាឈូសិត នៅចំពោះមុខចៅក្រម៦រូប នឹងភ្ញៀវមកអបអរសាទរប្រមាណ៣០០នាក់ ប្រកបដោយសម្លៀកបំពាក់ក្រុង មកជាកិត្តិយសដល់រាត្រីដ៏រីករាយផង។ ការប្រឡងប្រជែងរយៈពេល៤ម៉ោង បានសម្រេចលទ្ធផលជោគជ័យ ទៅកញ្ញាលេខ១ មីលីយ៉ាន នីតា សាំង(ឡុងប៊ីច) ជា‹‹បវរកញ្ញាឯក២០១៦›› ដែលបានទទួល‹ម្កុដកិត្តិយស› ពីបវរកញ្ញា២០១៥ វៀជីនា ប្រាក់(ឡូវែល), បវរកញ្ញាលេខ២ទ្រីឃិមសូចន្ទរះ ឃិង(ឡូវែល) បវរកញ្ញាលេខ៣ ម៉ាយ៉ា គ្ហីលីសស្ហាពម៉ាន់(កាលីហ្វ័រញ៉ា) ទាំង២នាក់ បានទទួល‹ម្កុដកិត្តិយស› ពីបវរកញ្ញា២០១៥រៀងៗខ្លួន។
ចំណាប់អារម្មណ៍បន្ទាប់ពីដំណើរបានបញ្ចប់
ដោយ ពិន សំខុន មកដល់ផ្ទះវិញនៅថ្ងៃទី១ខែសីហា២០១៦ គឺយើងបានចាកចេញពីឡូវែលចំនួន៦សប្តាហ៍ហើយបន្ទាប់ពីឆ្លងកាត់ទស្សនាប្រទេសបួនៈ សឹង្ហបូរី, កម្ពុជា, វៀតណាម នឹង សៀងហៃនៃប្រទេសចិន។ យើងយកពេលសម្រាកនៅផ្ទះមួយអាទិត្យពេញ ដើម្បីរៀបរយជីវិតឡើងវិញ មានតាំងពីផ្ទះសម្បែង ពេលវេលា នឹងសុខភាព បន្ទាប់មកទើបដើររកជួបញាតិមិត្តក្នុងភូមិឡើងវិញ។ ថ្វីត្បិតតែចេញដំណើរឆ្ងាយពីផ្ទះ ឆ្ងាយពីកន្លែងធ្វើការមែន, កាងារកាសែតរបស់យើងមិនបានឈប់ឈរទេ បុគ្គលិកនៅបន្តរធ្វើការ, កាសែតនៅបន្តរចែកផ្សាយ, កិច្ចការដឹកនាំរបស់យើង យកទៅធ្វើតាមខ្លួន នាំទាំងបុគ្គលិកបច្ចេកទេសខ្លះទៅជាមួយរួមដំណើរ មិនថាថ្ងៃឬយប់, មិនថាយើងនៅទីកន្លែងណានោះទេ, នេះគឺជាការជឿនលឿននៃបច្ចេកវិទ្យាខាងទំនាក់ទំនង ដែលបច្ចុប្បន្ននេះមនុស្សសម័យថ្មី មានចំណេះនេះគ្រប់ៗគ្នាដើម្បីបញ្ជូនសាររបស់ខ្លួនតាម‹ហ្វេសប៊ុក› ឬតាម‹អ៊ីមែល› ឬក៏តាម‹វេបសាយ› នៅខ្វះតែ‹ពត៌មានវិទ្យា›ឬ‹វិជ្ជាជីវសារពត៌មាន›មួយទៀត
‹‹ព្រហ្មបាយ័ន››បានមកដល់ឡូវែលដ៏សុខសាន្ត
ដោយខ្មែរផុសស.រ.អា. រូបចម្លាក់ព្រហ្មបាយ័នបានដម្លើងរួចជាស្រេច នៅមាត់ទ្វារនៃក្រុងខ្មែរឡូវែល កាលពិថ្ងៃទី២៥កញ្ញាមុន ហើយបានបញ្ចប់ទំនាស់មួយចំនួននៅក្នុងក្រុងដ៏សម្បូរប្រជាពលរដ្ឋអាមេរីកាំងដើមកំណើតខ្មែររស់នៅ។ ដូចដែលយើងអធិប្បាយពីលើកមុន ការបញ្ចប់ទំនាស់នេះក៏ដោយសារ អ្នកគ្រប់គ្រងក្នុងគណកម្មការក្រុងខ្មែរ បានស្តាប់វត្ថុបំណងរបស់ខ្មែរអាមេរីកាំងភាគច្រើនដែលចង់ឃើញថា‹អ្វីដែលជាដំណាងឱ្យខ្មែរទូទៅ មានកំណើតស្របនឹងការប្រឹងប្រែងដោយផ្ទាល់ដៃរបស់ប្រជាជន ហើយដើម្បីកេរឈ្មោះនៃខ្មែរអាមេរីកាំងក្នុងតំបន់នោះ›។ ក្រុងខ្មែរឡូវែលនេះ កំណត់នៅជុំវិញផ្លូវ‹មីដលសិច-ប្រេនស្ទ្រីត›រហូតដល់ផ្លូវ‹វែសហ្វឺត›ហើយហៀរទៅដល់ដើមផ្លូវ‹ឆែមហ្វឺត›ថែមទៀត(ផ្នែកផ្លូវឆែមហ្វឺតនេះ មិនស្ថិតនៅក្នុងរង្វង់ក្រុងខ្មែរជាផ្លូវការទេ តែសម្បូរពាណិជ្ជករខ្មែរណាស់ដែរ)។ សម្លឹងមើលរូបព្រហ្មបាយ័ន ឆ្លាក់ពីដុំថ្មសុទ្ធសាធ ដូចគ្នានឹងថ្មអង្គរវត្តដែរនោះ អ្នកស្រី ពង្សលក្ខិណាសាធុកា ផល្លី ប្រធាន រួមទាំងគណកម្មការក្រុងខ្មែរទាំងមូល បានប្រមែប្រមូលអំណោយម្តងបន្តិចៗ មានទាំងធ្វើបុណ្យផ្ការច្រើនដងផង យ៉ាងព្យាយាម រហូតទាល់តែបានថវិការគ្រប់គ្រាន់សម្រាប់បញ្ជាទិញរូបចម្លាក់ពីស្រុកខ្មែរ ដែលមានអ្នកឯកទេសចម្លាក់ឆ្នើមបំផុត ខាងឆ្លាក់រូបរបៀបនេះតាមខ្នាតដែលឡូវែលចង់បាន ព្រមទាំងដឹកជញ្ជូនរូបចម្លាក់ ទម្ងន់ច្រើនតោននេះ មកតម្លើងដល់ឡូវែលបានយ៉ាងពេញចិត្ត។
បុណ្យភ្ជុំបិណ្ឌនៅឡូវែល
ដោយ ពិន សំខុន បុណ្យដ៏ធំសម្រាប់ប្រជាពលរដ្ឋខ្មែរ មិនថារស់នៅកម្ពុជាឬនៅអាមេរីកទេ គឹបុណ្យភ្ជុំបិណ្ឌ ដែលប្រព្រឹត្តទៅរៀងរាល់ឆ្នាំ ហើយឆ្នាំនេះនៅថ្ងៃទី១-២តុលានេះឯង គឺនៅចុងនៃរយៈពេលចូលវស្សា៣ខែរបស់ព្រះសង្ឃ គេធ្វើពីធីកាន់បិណ្ឌ ១៥ថ្ងៃ រួចភ្លាមមក គេធ្វើពិធិបញ្ចប់មួយ ហៅថាផ្ជុំបិណ្ឌនេះឯង។ បន្ទាប់ពីភ្ជុំបិណ្ឌនេះភ្លាម គេអាចប្តើមធ្វើពិធី កឋិនទានដែលគេមានពេល៣០ថ្ងៃ សម្រាប់ប្រារព្ធ១ឆ្នាំម្តង សម្រាប់វត្តនិមួយៗ។ បុណ្យនេះមានន័យថា‹‹ជាឱកាសដែលកូនចៅធ្វើបុណ្យជូនកុសលជូនបុព្វបុរស មានដូនតា-ម្តាយឳពុកដែលបានចែកឋានទៅហើយ ដើម្បីជាការដឹងគុណដល់លោក›› នៅស្រុកកម្ពុជាក្រោមគេហៅថា‹‹បុណ្យដូនតា››ដែលមានន័យដូចគ្នា។សម្រាប់នៅឡូវែល ក៏ដូចជានៅទីក្រុងឯទៀតនៃសហរដ្ឋ ដែលមានវត្តច្រើន គេតែងពិព្រោះគ្នា យកថ្ងៃនៃចុងសប្តាហ៍ណាដែលមិនជាន់គ្នា អនុញ្ញាត្តិឱ្យពុទ្ធបរិស័ទ អាចទៅវត្តវ៉ាបានគ្រប់ៗគ្នា មិនច្បាស់ជាធ្វើចំថ្ងៃកំណត់នោះទេ។ យើងសូមឆ្លៀតឱកាស ផ្តល់ពត៌មានអំពី‹វត្ត›ក្នុងសហគមន៍
ឧទ្យានប្រវត្តិសាស្ត្រជាតិមានអាយុ១០០ឆ្នាំហើយ Centenal of Lowell National Historical Park
ដោយ ខ្មែរផុសស.រ.អា. ‹ឧទ្យានប្រវត្តិសាស្ត្រជាតិ›នៅឡូវែល មានអាយុ១០០ឆ្នាំហើយ គឺជាស្នាដៃថែររក្សាសម្បត្តិជាប្រវត្តិសាស្ត្រជាតិរបស់អ្នកគ្រប់គ្រងតំបន់ រួមទាំងអ្នកគ្រប់គ្រងរដ្ឋដែលបានបន្សល់ទុកនូវភស្តុតាងជាមេរៀននៃអតីតកាល ដល់អ្នកជំនាន់ក្រោយ ឱ្យបានឃើញការប្រឹងប្រែងក៏សាងអនាគតរបស់អ្នកជំនាន់មុន ទុកបន្តរឱ្យបានឃើញជាក់ស្តែង ដែលស្របតាមទ្រឹស្តី‹រៀនពីមេរៀនអតីតកាលសម្រាប់បោះជម្ហៀនទៅមុខ›។ អ្នកគ្រប់គ្រងឧទ្យានជាតិ‹The Rangers›នៅឡូវែល ទើបតែរំលឹកពីព្រឹត្តិការណ៍ដ៏អស្ចារ្យនេះ កាលពីថ្ងៃទិ២៥សីហាកន្លងទៅ នៅសាលាក្រុងឡូវែល។ ‹សួនឧទ្យានប្រវត្តិសាស្ត្រ›មិនត្រឹមតែសួនច្បារ- ព្រៃឈើ តែប៉ុណ្ណោះទេ គឺរាប់ទាំងអាគ៌ាអាគារធំៗដែលមានជាប់ប្រវត្តិសាស្ត្រ ជ្រលងព្រែកជីកដែលកំពុងហូរកាត់ទីក្រុងឡូវែលរួមទាំងដងស្ទឹង‹មេរីម៉ាក› រូបសំណាក់បូរាណ ឬផ្នូរខ្មោចបុព្វបុរសជាដើម សុទ្ធសឹងបានត្រូវចាត់ទុកជា‹ឧទ្យានប្រវត្តិសាស្ត្រជាតិ›ទាំងអស់ ដែលក្រុងឡូវែលមានសំណាង ជាពិសេសអស្ចារ្យនោះ ដោយការសារការថែរសម្ភស្សក្រុង ការទុកឱ្យក្រុងនិយាយប្រវត្តិសាស្ត្រដ៏សន្ធឹកសន្ធាប់របស់ខ្លួន ជាហេតុធ្វើឱ្យក្រុងនេះក្លាយជាកន្លែងដែលទាក់ទាញទេសចរកាន់តែច្រើន នឹងជាកន្លែងដែលគួរឱ្យចង់រស់នៅកាន់តែខ្លាំងឡើង។ ទង់ជាតិដំណាងឱ្យ‹ឧទ្យានប្រវត្តិសាស្ត្រជាតិ›បានត្រូវលើកឡើងនៅសាលាក្រុងឡូវែល ក្នុងរយពេល១ខែ ដោយក្រុមអភិរក្ស
បោះឆ្នោតសម្រាប់សេដ្ឋវិមានបង្ហាញអ្នកឈ្នះអ្នកចាញ់កាន់តែប្រាកដ
Presidential Election ដោយ ពិន សំខុន នៅថ្ងៃអាទីត្យកន្លងទៅនេះ ហ៊ីឡារី ក្លីងតុន នឹងឌណល ត្រម បានចេញមកធ្វើការជជែកប្រកួតគ្នា តាមកញ្ចក់ទូរទស្សន៍ ជូនសាធារណជន ដើម្បីឱ្យអ្នកបោះឆ្នោតស្គាល់កាន់តែច្បាស់ ពីបេក្ខជនប្រធានាធិបតីរបស់គេ។ រំពេចបន្ទាប់មក នាម៉ោង១២យប់ លទ្ធផលពីអ្នកតាមដានទូរទស្សន៍ បានផ្តល់ជ័យជំនះដល់ ‹ហ៊ីឡារី› ៥៤% ទល់នឹង ឌណល ៣៧%។ នេះគឺជាលើកទី២ ដែលប្រជាពលរដ្ឋ អ្នកតាមដានការជជែកទល់មុខ បញ្ចេញមតិគាំទ្រកំរឹតខ្ពស់ចំពោះ ហ៊ីឡារី ក្លីងតុន នៅប្រមាណតែកន្លះខែប៉ុណ្ណោះ មុនការបោះឆ្នោតផ្តាច់ព្រ័ត្រ
