ចំនួនអ្នកកើតកូរូណាតាមបណ្តារដ្ឋក្នុងសហរដ្ឋអាមេរិច

May 6, 2020 | By Sokharath Koy

ចំនួនករណីនៃជំងឺកូវីត-19​ នៅតែបន្តកើនឡើងក្នុងសហរដ្ឋអាមេរិច។ ររហូតមកដល់ពេលនេះអ្នកជំងឺ ៨០% ដែលមានរោគសញ្ញាស្រាលដូចជាគ្រុនក្តៅ​ និងរលាកសួត​ ហើយភាគច្រើនអ្នកជំងឺទាំងនេះគឺតម្រូវអោយមានការព្យាបាលដោយប្រើប្រាស់ថ្នាំពេទ្យតិចតួចបំផុត តែសម្រាប់ មនុស្សចាស់និងអ្នកដែលមានជម្ងឺដូចជា​ ទឹកនោមផ្អែម​ ឬបញ្ហាបេះដូង​ និងសួតគឺងាយរងគ្រោះបំផុត។​ អត្រានៃការស្លាប់របស់ប្រទេសចិនដោយសារមេរោគកូរូណាភាគច្រើន​ គឺអ្នកដែលមានអាយុ​ 80ឆ្នាំឡើង​ មានករណីជាង​ 72,000 ករណីគឺស្មើនឹង 14,8%បើតាមការសិក្សារបស់រដ្ឋាភិបាលអាមេរិច។​

ករណីនៃជំងឺកូវីត-19​នៅសហរដ្ឋអាមេរិចមានច្រើនបំផុតនៅក្រុង​ ញូយ៉ក​មានប្រហែល 32 ម៉ឺននាក់​៕​ ញ៉ូ​ ជេស៊ី​ ឈរលំដាប់ទី 2 បន្ទាប់ពីញូយ៉ក​ ដែលមានចំនួននាក់កើត​ជាង​ 13 ម៉ឺននាក់​ ហើយរដ្ឋម៉ាសាជូសេតនៅលំដាប់ទី3 មានចំនួនអ្នកកើត​ជាង​ 7 ម៉ឺននាក់។ ខាងក្រោមនេះគឺជាតារាងចំនួនអ្នកកើតជំងឺកូរូណាតាមរដ្ឋនីមួយៗពីច្រើនមកតិច​ ហើយជាពត៌​មានចុងក្រោយបង្អស់នៅថ្ងៃទី 6 ខែឧសភា៕

ជំណែកក្រុងឡូវែលវីញចំនួនសរុបអ្នកកើតជំងឺសរុបម 1,746 ករណីដោយនៅក្នុងនោះអ្នកជំងឺដែលសម្រាកនៅមន្ទីពេទ្យមានចំនួន 91​ នាក់ និងចំនួនអ្នកស្លាប់ 67 នាក់គិតត្រឹមថ្ងៃទី 1 ខែឧសភានេះ។ សង្កាត់ដែលចំនួនអ្នកកើតជំងឺកូវ៉ីតច្រើនជាងគេគឺ Centralville ដែលមាន​ចំនួន 359 នាក់។​ បន្ទាប់មកគឺ Pawtucketville និង Hightland ដែលមានចំនួននាក់កើត 290 នាក់ និង257 នាក់រៀងៗគ្នា។​ ភាគច្រើនបំផុតនៃ

អ្នកកើតជំងឺនេះ គឺមានអាយុចាប់ពី 30 ទៅ 40 ឆ្នាំ​។ ហើយចាប់ពីថ្ងៃពុធ ទី6 ខែឧសភាទៅ របាំងមុខ រឺម៉ាសបាំងមុខ នឹងតម្រូវឲ្យពាក់នៅតាមទីសាធារណៈនានាក្នុងរដ្ឋម៉ាសាឈូសេត។ ក្រណាត់ធម្មតាដូចជាក្រមា រឺកន្សេង ក៍ត្រូវបានអនុញាតឲ្យប្រើប្រាស់សម្រាប់បិតបាំងមុខនៅពេលធ្វើដំណោះរនៅទីសាធារណៈ។

ទិន្នន័យចំនួនអ្នកកើតនៅក្រុងឡូវែលគិតត្រឹមថ្ងៃទី 1 ខែឧសភា