លោកស្រី ឱ វណ្ណឌីន ៖ កម្ពុជាដើរដល់បន្ទាត់ក្រហមហើយ កន្លែងសង្គ្រោះបន្ទាន់អ្នកជំងឺកូវីដ ពេញសឹងគ្រប់កន្លែង 

ភ្នំពេញ ៖ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ១៩ បានមានប្រសាសន៍កាលពីថ្ងៃទី ០២ ខែ មិថុនា ឆ្នាំ២០២១ ឲ្យដឹងថា ពេលនេះយើងចូលដល់បន្ទាត់ក្រហមហើយ យើងសឹងតែឈានផុតបន្ទាត់ក្រហមទៅហើយ យើងមិនចង់ឲ្យបងប្អូនទាំងអស់ ស្ថានភាពនៃការវាយលុករបស់ជំងឺកូវីដ-១៩នេះ លើសពីបន្ទាត់ក្រហមរបស់យើងទេ ហើយបើកាលណាលើសពីបន្ទាត់ក្រហមហើយ បងប្អូនពិបាកណាស់ ស្ថានភាពបែបនេះ ចូលទៅដល់ការរាតត្បាតទ្រង់ទ្រាយធំនៅក្នុងសហគមន៍របស់យើង បើស្ថិតនៅក្នុងទ្រង់ទ្រាយធំហើយ មូលដ្ឋានសុខាភិបាលសាធារណៈមន្ទីរពេទ្យត្រូវតែហួសពីសមត្ថភាពហើយ ពីព្រោះជំងឺច្រើន យើងអត់មានកន្លែងដាក់ទេ អ៊ីចឹងការស្លាប់បាត់បង់ជីវិតក៏ត្រូវច្រើន ហើយបងប្អូនក៏ពិបាកនៅក្នុងការប្រកបរបររកស៊ីទទួលទាន ដោយសារតែមេរោគវាយលុកខ្លាំង ចាំបាច់ត្រូវតែបិទទៀតហើយ ដើម្បីទប់ទល់កុំឲ្យវីរុសឆ្លងតទៅទៀត ចឹងហើយផលប៉ះពាល់វាធំណាស់ ប៉ះទាំងសេដ្ឋកិច្ចគ្រួសារ ក៏ដូចជាសេដ្ឋកិច្ចប្រទេសជាតិរបស់យើង ដោយបញ្ហាធំគឺប៉ះពាល់ដល់សុខភាពរបស់បងប្អូន ការស្លាប់បាត់ជីវិត និងមានកំណើនកើនឡើងជាលំដាប់បើសិនជាយើង មិនខិតខំនៅពេលនេះទាំងអស់គ្នាទេនោះ។  លោកជំទាវក៏សូមធ្វើការអំពាវនាវដល់បងប្អូនប្រជាពលរដ្ឋ ត្រូវគោរពតាមវិធានការ៣កុំ ៣ការពារ នាពេលបច្ចុប្បន្ន ប្រជាពលរដ្ឋអនុវត្តនៅមានភាពធ្វេសប្រហែសដោយគិតថា មិនអីទេ មិនចាំបាច់អនុវត្តឲ្យម៉ត់ចត់ អ្នកខ្លះគិតថា មិនចាំបាច់ពាក់ម៉ាស់ អ្នកខ្លះទៀត យល់ឃើញកូវីដ-១៩ ជាជំងឺផ្ដាសសាយធម្មតា។  លោកស្រីបន្ដថា ឥឡូវនេះមូលដ្ឋានសុខាភិបាលសាធារណៈរបស់យើង បើយើងនិយាយមួយបែបទៀត